അജ്ഞാത വാഹനമിടിച്ച് പരിക്കേറ്റ് ചികിത്സയിലിരുന്ന സ്കൂട്ടർ യാത്രക്കാരൻ മരിച്ചു. ചെറുവള്ളി കാവുംഭാഗം പുതിയേടത്ത് പ്രഭാകരൻ നായരുടെ മകൻ രതീഷ്(40) ആണ് മരിച്ചത്. കഴിഞ്ഞ ശനിയാഴ്ച രാത്രി 9.30ന് പുനലൂർ-പൊൻകുന്നം ഹൈവേയിലായിരുന്നു അപകടം. ഇടിച്ച വാഹനം നിർത്താതെ കടന്നുപോയി. രതീഷ് കോട്ടയം മെഡിക്കൽ കോളജ് ആശുപത്രിയിൽ ചികിത്സയിലിരിക്കെ ഇന്നലെ രാത്രിയാണ് മരിച്ചത്.പോലീസ് ഫൊറൻസിക് പരിശോധന നടത്തിയെങ്കിലും ഇടിച്ച വാഹനത്തെക്കുറിച്ച് സൂചനകൾ ലഭിച്ചിട്ടില്ല. സംസ്കാരം ഇന്ന് രാത്രി എട്ടിന് വീട്ടുവളപ്പിൽ.അമ്മ: രാധാമണി. സഹോദരങ്ങൾ: പി.വേണുഗോപാൽ, രാജേഷ് പി.നായർ