പെരുവന്താനം: കൊല്ലം – ദിണ്ഡിഗൽ ദേശീയപാതയിൽ മുറിഞ്ഞപുഴയ്ക്കു സമീപം വീടിനു മുകളിലേക്ക് ചരക്കുവാഹനം വീണ് നാലു പേർക്കു പരിക്ക്. ബുധനാഴ്ച രാത്രി 9.30നായിരുന്നു അപകടം. കുട്ടിക്കാനത്തുനിന്ന് മുണ്ടക്കയത്തേക്ക് പോയ ലോറിയാണ് കുറ്റിക്കാട്ടിൽ സതീശന്‍റെ വീടിനു മുകളിലേക്കു വീണത്. സതീശൻ, ഭാര്യ രമാദേവി, മക്കളായ അനുരാഗ് , അനുശ്രീ എന്നിവർക്കു പരിക്കേറ്റു.
കുട്ടിക്കാനത്ത് നിന്ന് മുണ്ടക്കയത്തേക്ക് പോയ ചരക്കു ലോറിയാണ് അപകടത്തിൽ പ്പെട്ടത്. വീടിന്റെ ഹാളിൽ കിടന്ന് ഉറങ്ങിയ മൂത്ത മകൻ അനന്ദു പരിക്കേൽക്കാതെ രക്ഷപ്പെട്ടു. പരിക്കേറ്റവരെ മുണ്ടക്കയത്തുള്ള സ്വകാര്യ ആശുപത്രി പ്രവേശിപ്പിച്ചു. അപകടത്തിൽ വീട് പൂർണ്ണമായി തകർന്നു.
