കാ​ഞ്ഞി​ര​പ്പ​ള്ളി: കാ​ഞ്ഞി​ര​പ്പ​ള്ളി ഡി​വൈ​എ​സ്പി​യു​ടെ കീ​ഴി​ലു​ള്ള പോ​ലീ​സ്‌സ്റ്റേ​ഷ​നു​ക​ളി​ൽ ല​ക്ഷ​ക്ക​ണ​ക്കി​നു രൂ​പ​യു​ടെ തൊ​ണ്ടി​മു​ത​ലുകൾ ന​ശി​ക്കു​ന്ന​ു . വ​ലി​യ ലോ​റി മു​ത​ൽ ആ​ഡം​ബ​ര വാ​ഹ​ന​ങ്ങ​ളും ഇ​രു​ച​ക്ര വാ​ഹ​ന​ങ്ങ​ളു​മാ​ണ് ആ​ർ​ക്കും ഉ​പ​കാ​ര​പ്പെ​ടാ​തെ ന​ശി​ക്കു​ന്ന​ത്. കേ​സു​ക​ൾ ക​ഴി​ഞ്ഞ തൊ​ണ്ടി​മു​ത​ലു​ക​ൾ​വ​രെ സ്റ്റേ​ഷ​ൻ വ​ള​പ്പി​ൽ കാ​ടു​ക​യ​റി കി​ട​ക്കു​ക​യാ​ണ്. ക​ഞ്ചാ​വ് ക​ട​ത്ത​ൽ, പോ​ലീ​സ് വാ​ഹ​ന പ​രി​ശോ​ധ​ന​യ്ക്കി​ടെ രേ​ഖ​ക​ൾ ഇ​ല്ലാ​ത്ത വാ​ഹ​ന​ങ്ങ​ൾ, മ​ണ​ൽ ക​ട​ത്ത​ൽ, ത​ട്ടി​ക്കൊണ്ടുപോ​ക​ൽ തു​ട​ങ്ങി​യ കേ​സു​ക​ളി​ലാ​ണു വാ​ഹ​ന​ങ്ങ​ൾ പി​ടി​കൂ​ടി​യി​രി​ക്കു​ന്ന​ത്.

കാ​ഞ്ഞി​ര​പ്പ​ള്ളി സ്റ്റേ​ഷ​ൻ വ​ള​പ്പി​ൽ പു​തി​യ​തും പ​ഴ​യ​തു​മാ​യ അ​ര​ക്കോ​ടി രൂ​പ​യു​ടെ വാ​ഹ​ന​ങ്ങ​ൾ കി​ട​പ്പു​ണ്ട്. വ​ർ​ഷ​ങ്ങ​ൾ​ക്ക് മു​ന്പ് കാ​ഞ്ഞി​ര​പ്പ​ള​ളി സി​ഐ ആ​യി​രു​ന്ന ഷാ​ജ​ഹാ​ന്‍റെ കാ​ല​ത്ത് പെ​ൺ​കു​ട്ടി​യെ ത​ട്ടി​ക്കൊ​ണ്ടുപോകാൻ ഉപയോഗിച്ച ക്വാ​ളീ​സ് വാ​ഹ​നം വ​രെ​ തു​രു​ന്പെ​ടു​ത്തു കി​ട​പ്പു​ണ്ട്.പൊ​ൻ​കു​ന്ന​ത്താ​ക​ട്ടെ ആ​ക്ര​മി​ക​ൾ സ​ഞ്ച​രി​ച്ച വാ​ഹ​ന​ങ്ങ​ൾ വ​രെ​യാ​ണു പി​ടി​ച്ചി​ട്ടി​രി​ക്കു​ന്ന​ത്. ഒ​രു മാ​സ​ത്തി​ന​കം ചി​റ​ക്ക​ട​വി​ൽ നി​രോ​ധ​നാ​ജ്ഞ നി​ല​നി​ൽ​ക്കു​ന്ന സാ​ഹ​ച​ര്യ​മു​ണ്ടാ​യി​ട്ടും നി​ര​വ​ധി വാ​ഹ​ന​ങ്ങ​ളാ​ണ് പോ​ലീ​സ് സ്റ്റേ​ഷ​നി​ൽ പി​ടി​ച്ചി​ട്ടി​രി​ക്കു​ന്ന​ത്.

കൂ​ടാ​തെ പൊ​ൻ​കു​ന്നം- പാ​ലാ റോ​ഡി​ൽ അ​പ​ക​ട​ത്തി​ൽ​പ്പെ​ടു​ന്ന വാ​ഹ​ന​ങ്ങ​ൾ റി​ക്ക​വ​റി വാ​ൻ ഉ​പ​യോ​ഗി​ച്ചാണ് സ്റ്റേ​ഷ​ൻ വ​ള​പ്പി​ൽ എ​ത്തി​ക്കു​ന്ന​ത്. ഇ​ത്ത​ര​ത്തി​ൽ അ​ന്യ​സം​സ്ഥാ​ന വാ​ഹ​ന​ങ്ങ​ൾ വ​രെ സ്റ്റേ​ഷ​നി​ലു​ണ്ട്.മു​ണ്ട​ക്ക​യം സ്റ്റേ​ഷ​നി​ൽ മ​ണ​ൽ മാ​ഫി​യാ​യു​ടെ വാ​ഹ​ന​ങ്ങ​ളാ​ണ് ഏ​റെ​യും. കൂ​ടാ​തെ ബു​ക്കും പേ​പ്പ​റും ഇ​ല്ലാ​ത്ത ബൈ​ക്കും ഓ​ട്ടോ​ക​ളും കൊ​ണ്ട് നി​റ​ഞ്ഞി​രി​ക്കു​ക​യാ​ണ്. ഇ​നി കേ​സു​ക​ളി​ൽ പി​ടി​കൂ​ടു​ന്ന വാ​ഹ​ന​ങ്ങ​ൾ എ​വി​ടെ കൊ​ണ്ടു വ​ന്ന് ഇ​ടു​മെ​ന്ന ആ​ശ​യക്കു​ഴ​പ്പ​ത്തി​ലാ​ണ് പോ​ലീ​സ്. ഇ​ത്ത​ര​ത്തി​ൽ പോ​ലീ​സ് സ്റ്റേ​ഷ​നു​ക​ളി​ൽ കി​ട​ക്കു​ന്ന വാ​ഹ​ന​ങ്ങ​ൾ ലേ​ലം ചെ​യ്തു ന​ൽ​കു​ക​യാ​ണെ​ങ്കി​ൽ സ​ർ​ക്കാ​രി​ന് ല​ക്ഷ​ക​ണ​ക്കി​നു രൂ​പ ഖ​ജ​നാ​വി​ലേ​ക്ക് ല​ഭി​ക്കും.