കാഞ്ഞിരപ്പള്ളി: കേരളത്തിന്റെ പൊതുസമൂഹത്തിന് വിജ്ഞാദീപങ്ങളായ പൊതു വിദ്യാലയങ്ങളെ സംരക്ഷിക്കാനുള്ള വലിയ ഉത്തരവാദിത്വവും ബാധ്യതയും പൊതുസമൂഹം ഏറ്റെടുക്കണമെന്ന് ഡോ.എൻ. ജയരാജ് എംഎൽഎ. കാഞ്ഞിരപ്പള്ളി വിദ്യാഭ്യാസജില്ല സംഘടിപ്പിച്ച മാറുന്ന ലോകവും പൊതുവിദ്യാഭ്യാസവും എന്ന വിഷയത്തിൽ നടന്ന സെമിനാറിൽ വിഷയാവതരണം നടത്തി സംസാരിക്കുകയായിരുന്നു അദ്ദേഹം.
കേരളം വിദ്യാഭ്യാസ രംഗത്ത് ആർജിച്ച മികവുകളെ നിലനിർത്താൻ ഒറ്റക്കെട്ടായി പ്രവർത്തിക്കേണ്ടത് കാലഘട്ടത്തിന്റെ ആവശ്യമാണെന്നും അദ്ദേഹം പറഞ്ഞു.കാഞ്ഞിരപ്പ ള്ളി ഡിഇഒ ഡോ. എ.കെ. അപ്പുക്കുട്ടൻ മോഡറേറ്ററായ വിദ്യാഭ്യാസ സെമിനാറിൽ കാഞ്ഞിരപ്പള്ളി പഞ്ചാത്ത് പ്രസിഡന്റ് ഷക്കീലാ നസീർ മുഖ്യപ്രഭാഷണം നടത്തി.
ജില്ലാ പഞ്ചായത്ത് അംഗങ്ങളായ സെബാസ്റ്റ്യൻ കുളത്തുങ്കൽ, പെണ്ണമ്മ തോമസ്, പഞ്ചായത്തംഗങ്ങളായ റോസമ്മ വെട്ടിത്താനം, ബീനാ ജോബി അധ്യാപകസംഘടനാ പ്രതിനിധികളായ പി.ജെ. ആന്റണി, രാജേഷ് ആർ, നാസർ മുണ്ടക്കയം, രാജു തോമസ് പ്രിൻസിപ്പൽ സാബുക്കുട്ടി മാത്യു, സിബിച്ചൻ ജേക്കബ്, ഇമ്മാനുവൽ. ടി. ആന്റണി, സതീഷ്കുമാർ ജി., ശോഭ ആന്റോ, പി.കെ. സരസമ്മ, റസീന ബീഗം എം, ജെയിംസ് പി.എ. എന്നിവർ പ്രസംഗിച്ചു.