മുണ്ടക്കയം: ഗാലക്‌സി തിയറ്ററിന്റെ വരാന്തയിലാണ് യുവാവിനെ മരിച്ച നിലയില്‍ കണ്ടത്തിയത്.ഏന്തയാര്‍ മാത്തുമല സ്വദേശി മാർട്ടിൻ (30) ആണ് മരിച്ച നിലയില്‍ ഇന്ന് രാവിലെ പത്ത് മണിക്ക് കണ്ടത്.
രാവിലെ തിയറ്ററിലെ ജോലിക്കാര്‍ എത്തിയപ്പോളാണ് മൃതദേഹം കണ്ടത്. മുണ്ടക്കയം പോലീസ് സ്ഥലത്തെത്തി അനേഷണം പ്രാഥമിക നടപടികള്‍ ആരംഭിച്ചു.
ഇന്നു രാവിലെ എട്ടോടെ തൂത്തുവാരാൻ വന്നയാളാണ് ബാത്ത് റൂമിന്‍റെ വരാന്തയിൽ കിടക്കുന്ന മൃതദേഹം കണ്ടത്. പിന്നീട് പോലീസ് എത്തി സ്ഥലത്ത് പരിശോധന നടത്തി. മരണ കാരണം വ്യക്തമായിട്ടില്ല.
ഇയാൾ തിങ്കളാഴ്ച രാത്രിയിൽ സിനിമ കാണാൻ വന്നിരുന്നതായി സ്ഥിരീകരിച്ചിട്ടുണ്ട്. എന്നാൽ സിനിമ കഴിഞ്ഞ് തീയറ്ററിന് പുറത്ത് പോയോ എന്ന കാര്യം വ്യക്തമല്ല. മരിച്ച മാർട്ടിൻ മോഷണം ഉൾപ്പടെയുള്ള നിരവധി കേസുകളിൽ പ്രതിയായിരുന്നുവെന്നും ശിക്ഷ അനുഭവിച്ചിട്ടുള്ളയാളാണെന്നും പോലീസ് പറഞ്ഞു.
