കാഞ്ഞിരപ്പള്ളി ഏരിയ മുൻ സെക്രട്ടറി ടി. പ്രസാദാണ് ഐഎൻടിയുസിയിലൂടെ കോൺഗ്രസിലേക്കെത്താൻ ശ്രമം നടത്തുന്നത്. കഴിഞ്ഞ നിയമസഭ തെരഞ്ഞെടുപ്പിൽ പി.സി. ജോർജിന് അനുകൂല നിലപാട് സ്വീകരിച്ചതിന്റെ പേരിൽ പാർട്ടിയിൽ നിന്നു പുറത്താക്കപ്പെട്ട പ്രസാദ് രാഷ്ട്രീയമില്ലാതെ നിൽക്കുകയായിരുന്നു. ഇതിനിടയിലാണ് തിരുക്കൊച്ചി തോട്ടം തൊഴിലാളി യൂണിയൻ കുടുംബ സംഗമത്തിൽ പ്രസാദ് പങ്കെടുത്തത്. കെ.കെ. ജനാർദനൻ അധ്യക്ഷത വഹിച്ച യോഗം കോൺഗ്രസ് ബ്ലോക്ക് പ്രസിഡന്റ് റോയ് കപ്പലുമാക്കൽ ഉദ്ഘാടനം ചെയ്തു. നൗഷാദ് ഇല്ലിക്കൽ, കെ.എസ്. രാജു, ജോൺ പി. തോമസ്, കെ.കെ. ശിവൻ തുടങ്ങിയവർ പങ്കെടുത്തു.