കാഞ്ഞിരപ്പള്ളി: കൂട്ടമായി എത്തിയ പെരുന്തേനീച്ചയുടെ കുത്തേറ്റ്്‍ അഞ്ചു പേര്‍ക്ക് പരിക്ക്. കാഞ്ഞിരപ്പള്ളി കൂവപ്പള്ളിക്ക് സമീപമാണ് ഈച്ചയുടെ ആക്രമണമുണ്ടായത്. കൂവപ്പള്ളി സ്വദേശികളായ കാന്താരിയില്‍ ഡൊമിനിക് (55), കറിപ്ലാക്കല്‍ ജോസുകുട്ടി (22), കാന്താരിയില്‍ എബിയുടെ ഭാര്യ സീന, പന്തലാനിയില്‍ ടോമി, മുട്ടത്ത് സിബിയുടെ മകന്‍ എന്നിവര്‍ക്കാണ് പെരുന്തേനീച്ചയുടെ കുത്തേറ്റത്.
കാന്താരിയില്‍ ഡൊമിനിക്കിനെയും, ജോസുകുട്ടിയെയും താലൂക്കാശുപത്രിയില്‍ പ്രവേശിപ്പിച്ചു. പരുന്തിന്‍റെ ആക്രമണംമൂലമാണ് ഈച്ചകള്‍ ഇളകിയതെന്നു നാട്ടുകാര്‍ പറയുന്നു.
