ഒരുപാട് യാത്രകള്‍ നമുക്ക് പരിചിതമാണ്.ഉല്ലാസങ്ങള്‍ തേടിയുള്ള ധാരാളിത്തത്തിന്റെ പാച്ചിലുകളില്‍ നിന്ന് വഴിമാറിനടന്ന്, അനുഭ വങ്ങളില്‍ അധ്വാനത്തിന്റെ നോവും വിയര്‍പ്പും ചാലിച്ച് ഉല്ലാസ ങ്ങളെ ആനന്ദമാക്കി മാറ്റുന്ന ആത്മീയ അന്വേഷണം. ഇതാ ഒത്തരി സ്വപ്നങ്ങളുമായി നാലു വിദ്യാര്‍ഥികള്‍ ആലപ്പുഴയില്‍ നിന്ന് ഹി മാലയത്തിന്റെ മടിത്തട്ടിലൂടെ ലെ-ലഡാക്ക് മലനിരകളിലേക്ക് സൈക്കിളില്‍ യാത്ര നടത്തിയത്.പൊന്‍കുന്നം ചന്ദ്രാലയത്തില്‍ സൂര്യനാരായണന്‍, പൊന്‍കുന്നം ചെന്നാക്കുന്ന് ഇടയ്ക്കലാത്ത് ജെറിന്‍ ജോസഫ്, ആലപ്പുഴ ചമ്പക്കു ളത്തു നിന്നുള്ള ആന്റോ പി.ദേവസ്യ, ആലപ്പുഴ മാമ്മൂട്ടില്‍ നിന്നു ള്ള ജിനു തോമസ് എന്നിവരാണ് സൈക്കിള്‍ യാത്ര നടത്തിയത്. 89 ദിവസങ്ങള്‍, പതിനഞ്ച് സംസ്ഥാനങ്ങളിലൂടെ സഞ്ചാരികളെ മോഹിപ്പിക്കുന്ന ‘ലേ’യിലേക്ക്. ചങ്ങനാശ്ശേരി സെന്റ് ജോസഫ്സ് കോളേജ് ഓഫ് കമ്യൂണിക്കേഷ നില്‍നിന്ന് ബി.എ. മള്‍ട്ടിമീഡിയ പഠനം കഴിഞ്ഞപ്പോഴാണ് ഇവര്‍ യാത്ര തീരുമാനിച്ചത്. സൂര്യയും ജെറിനും പൊന്‍കുന്നത്തുനിന്ന് സൈക്കിളില്‍ പുറപ്പെട്ട് ആലപ്പുഴയിലെത്തി കൂട്ടുകാരുമായി ചേര്‍ ന്നു. നന്മയും തിന്മയും നിറഞ്ഞ മനുഷ്യര്‍ക്കിടയിലൂടെ പലപ്പോഴും ഭാഗ്യം തുണച്ചതുകൊണ്ടുമാത്രമാണ് യാത്ര തുടര്‍ന്നതെന്ന് അവര്‍ പറഞ്ഞു. ഇടയ്ക്കുവെച്ച് നിര്‍ത്തേണ്ടിവരുമോ എന്നുപോലും ഭയ പ്പെട്ടു. മഴയായിരുന്നു യാത്രയിലുടനീളം. ക്യാമറ പുറത്തെടുക്കാ നാവാത്തവിധം മഴ പെയ്തപ്പോള്‍ കാത്തിരുന്ന ഒട്ടനവധി ചിത്രങ്ങള്‍ ഫ്രെയിമിലാക്കാനായില്ല എന്ന നിരാശയുണ്ടിവര്‍ക്ക്. 
വെറുമൊരു വിനോദത്തിന് വേണ്ടിയല്ല ഇവരുടെ യാത്ര. ഇതിന് പിന്നില്‍ നാലൊരു ഉദ്ദേശ്യ ലക്ഷ്യമുണ്ട്.ഇന്ത്യയുടെ ചലനം അറി യാന്‍ അവര്‍ കൊതിക്കുന്നു.ജാതി-മത ദേദമന്യേ ഒരു സമത്വ സുന്ദര രാജ്യം അതാണ് ഞങ്ങളുടെ ലക്ഷ്യമെന്ന് ജിനു തോമസ് പറഞ്ഞു.

ഹരിയാനയിലെ പാനിപ്പട്ട് വരെ നാലുപേരും ഒന്നിച്ചായിരുന്നു യാത്ര. പാനിപ്പട്ടില്‍ ഒരു മേല്‍പ്പാലത്തില്‍വെച്ച് സൂര്യനാരായണ ന്റെ സൈക്കിളില്‍ പിന്നാലെവന്ന വണ്ടിയിടിച്ചു. ഇദ്ദേഹത്തിന് പരിക്കേറ്റു. ചികിത്സയ്ക്കായി മൂന്നാഴ്ച താമസിക്കേണ്ടിവന്നു. ഗുര്‍ഗോണിലെ ബന്ധു മിഥുന്റെ വീട്ടിലായിരുന്നു ഈ ദിവസങ്ങ  ളില്‍ വിശ്രമം. നാട്ടില്‍ നിശ്ചിതസമയത്ത് മടങ്ങിയെത്തേണ്ടതു കൊ ണ്ട് ജിനു തോമസ് മാത്രം ഈ സമയം യാത്ര തുടര്‍ന്നു. ജിനുവിന് കൂട്ടിനായി നാട്ടില്‍നിന്ന് സുഹൃത്ത് അര്‍ജുനെത്തി.മണാലിയിലുള്ള ബാബുസാഗര്‍ എന്നയാളിനൊപ്പം അവര്‍ സൈ ക്കിള്‍ യാത്ര തുടരുകയായിരുന്നു. കാലിലെ പരിക്ക് പൂര്‍ണമായും ഭേദമായതിനുശേഷം സൂര്യനാരായണനും മറ്റു രണ്ടുപേരും യാത്ര തുടര്‍ന്നു.

അപകടം ഇവരുടെ മനസ്സിനെ തളര്‍ത്തിയില്ല. വീട്ടുകാര്‍ മടങ്ങി പ്പോരാന്‍ നിര്‍ബന്ധിച്ചപ്പോഴും യാത്ര തുടരുന്നതിനുള്ള വെമ്പലാ യിരുന്നു ഇവര്‍ക്ക്. കൈയിലുള്ള സാധനങ്ങള്‍ മോഷണം പോയ ദുരനുഭവമുണ്ടായി, പക്ഷേ ഇതൊന്നും മനസ്സ് മടുപ്പിച്ചില്ല. പര്‍വ തശിഖരങ്ങളുടെ നാടായിരുന്നു മനസ്സില്‍ നിറയെ. രാത്രികളില്‍ വഴിയോരത്ത് ടെന്റ് കെട്ടിയാണ് ഉറങ്ങിയത്. ഓരോ നാടിന്റേ യും ഭക്ഷണം കഴിച്ച് അവിടത്തെ സ്പന്ദനങ്ങള്‍ അറിഞ്ഞ് കടന്നു പോകുമ്പോള്‍ എല്ലായിടത്തും മലയാളികളെ കാണാനായെന്നും ഇവര്‍ പറഞ്ഞു. ഛായാഗ്രഹണത്തിലും തത്പ്പരരായ ഇവര്‍ പുറ പ്പെടുമ്പോള്‍ കുറേ നല്ല ചിത്രങ്ങള്‍ എടുക്കണമെന്ന മോഹമുണ്ടാ യിരുന്നു. പക്ഷേ ഫ്രെയിമിലൊതുങ്ങാത്ത മനോഹരചിത്രങ്ങള്‍ മനസ്സില്‍ക്കൂടി നിറച്ചാണ് ഇവര്‍ യാത്ര പൂര്‍ത്തിയാക്കിയത്.

4218 കിലോമീറ്റര്‍ അകലെ ജമ്മു-കാശ്മീരിലെ കര്‍ദുംഗ്ല ടോപ്പ്… സമുദ്രനിരപ്പില്‍നിന്ന് 18350 അടി ഉയരത്തിലുള്ള ഇവിടേക്കെത്ര ദൂരമെന്നു ചോദിച്ചാല്‍ സൂര്യനാരായണനും കൂട്ടുകാരും പറയും; ഒരു സൈക്കിള്‍ ദൂരം!