കാഞ്ഞിരപ്പള്ളി: അമല്ജ്യോതി എൻജിനിയറിംഗ് കോളജിലെ ബേസിക് സയന്‍സ് വിഭാഗവും കേരള മാത്തമാറ്റിക്കല്‍ അസോസിയേഷനും ചേര്‍ന്ന് സംഘടിപ്പിക്കുന്ന ദേശീയ ഗണിതശാസ്ത്ര സെമിനാര്‍ മാനേജര്‍ റവ. ഡോ. മാത്യു പായിക്കാട്ട് ഉദ്ഘാടനം ചെയ്തു. പ്രിന്‍സിപ്പല്‍ ഡോ. സെഡ്.വി. ലാക്കപ്പറമ്പില്‍ അധ്യക്ഷതവഹിച്ചു. ഡോ. കെ.ജി. സുബ്രഹ്‌മണ്യന്‍ മുഖ്യപ്രഭാഷണം നടത്തി.
കേരളാ മാത്തമാറ്റിക്കല്‍ അസോസിയേഷന്‍ സെക്രട്ടറി ഡോ. സണ്ണി കുര്യാക്കോസ്, ഐഎസ്ടിഇ കോഓര്‍ഡിനേറ്റര്‍ മാത്യു ജെ. ജോസഫ്, ഡോ. സോണി സി. ജോര്‍ജ്, ഡോ.ലിസാ മാത്യു എന്നിവര്‍ പ്രസംഗിച്ചു. മൂന്ന് ദിവസങ്ങളിലായി നടന്നു വരുന്ന സെമിനാറില്‍ ഓട്ടോമേറ്റോതിയറി, ഗ്രാഫ് തിയറി, ക്രിപ്‌റ്റോഗ്രഫി, ഫസ്സി ലോജിക് തുടങ്ങിയ വിഷയങ്ങളെ സംബന്ധിച്ചുള്ള ഗവേഷണ പ്രബന്ധങ്ങള്‍ അവതരിപ്പിക്കും.
ഇന്ന് കേരള മാത്തമാറ്റിക്കല്‍ അസോസിയേഷന്‍റെ വാര്‍ഷിക കോണ്‍ഫറന്‍സോടുകൂടി സെമിനാര്‍ സമാപിക്കും.
